Институт
- Панҷшанбе, 25 Июл 2024
Хирад гавҳари шаҳриёрон бувад. (Ба истиқболи 80-умин солгарди зодрӯзи академик Кароматулло Олимов)
Тоҷикон аз қадимулайём ба илму дониш ва хиради инсонӣ таваҷҷуҳи хосса намуда, онҳоро чун гавҳараки чашм нигоҳ доштаву дар ҳама давру замон барои рушду пешрафташон хидмат намудаанд. Ташаккулу рушди илм ва дониш, махсусан илми фалсафа пеш аз ҳама бар дӯши афроди хирадманду равшанзамири миллат будааст, ки дастпарварони баъдинааш донишу таҷрибаи ғании худро дар замони истиқлол низ, дар роҳи пешрафту тараққии Ватан сарф мекунанд. Президенти кишвар, Пешвои миллат муҳтарам Эмомалӣ Раҳмон аз рӯзҳои аввали фаъолияташон ба мақом ва нақши илм дар инкишофи ҷомеа диққати хосса дода, истифодаи дастовардҳои илмиро дар роҳи тараққии ҷомеа аз самтҳои афзалиятдоштаи сиёсати хеш қарор додаанд ва баҳри густариши он аз тамоми имконоти мавҷуда самаронок истифода менамоянд. Дар амалӣ намудани ин сиёсати созандагӣ ва дастуру ҳидоятҳои ба он рабтдошта дар соҳаи илм ва маориф пеш аз ҳама саҳми олимону донишмандон ва шахсиятҳои фарҳангӣ хеле муҳим аст.
Муфассал ...
- Панҷшанбе, 25 Июл 2024
Ташаккули маърифати ҳуқуқӣ ва масоили рушди давлати ҳуқуқбунёд
Таърихи начандон зиёди даврони соҳибистиқлолӣ собит менамояд, ки Ҷумҳурии Тоҷикистон пас аз ба даст овардани Истиқлолияти давлатӣ ва гузариш аз як сохт ба сохти дигари идоракунӣ масъалаи ташаккул ва баланд бардоштани фарҳангу маърифати ҳуқуқии шаҳрвандонро бо дарназардошти сохти нави идоракунии давлатӣ ҳадафи асосӣ ва вазифаи аввалиндараҷаи сиёсати ҳуқуқии худ қарор додааст.
Мақсад аз ҳадафи асосии сиёсати ҳуқуқии кишвар қарор гирифтани масъалаи баланд бардоштани маърифати ҳуқуқии шаҳрвандон низ дар робита бо расидан ба ҳадафу мақсадҳо ва вазифаҳои давлати ҳуқуқбунёд, аз ҷумла баҳри дар амал татбиқ намудани ҳама арзишҳои давлати ҳуқуқбунёд аз қабили волоияти ҳуқуқ ва қонун ба ҳисоб мерафт. Зеро мутобиқ ба муқаррароти « Эъломияи Истиқлоли Ҷумҳурии Тоҷикистон» 24 августи соли 1990, ки аз тарафи сессияи дуюми Шӯрои Олии Ҷумҳурии Тоҷикистон даъвати дувоздаҳум қабул гардида буд, Ҷумҳурии Тоҷикистон Истиқлолияти худро дар арсаи байналмиллалӣ ҳамчун давлати мустақили демократию ҳуқуқбунёд эълон намуда буд.
Муфассал ...
- Панҷшанбе, 25 Июл 2024
Маълумотномаи “ҷилди i-и «осор»-и Абӯалӣ ибни Сино”
Дар Маркази синошиносии Институти фалсафа, сиёсатшиносӣ ва ҳуқуқи ба номи А. Баҳоваддинов, ки бо ҳидоят ва дастгириҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис дода шудааст, “Осор”-и Абӯалӣ ибни Сино тарҷума, таҳия ва таҳқиқ мегардад, ки то имрӯз 16 ҷилди “Осор”-и Абӯалӣ ибни Сино аз забони арабӣ ба забонҳои тоҷикӣ ва русӣ тарҷума ва пешниҳоди хонанда гаштааст.
Ҷилди I «Осор»-и Абӯалӣ ибни Сино бо талошу кӯшишҳои донишмандон ва тарҷумонҳои забардасти ҷумҳурӣ аз қабилӣ М. Илолов, М. Диноршоев, А. Шарипов, Ғ. Ашӯров, Х. Додхудоев, А. Комилов, К. Қурбонов, Т. Мардонӣ, Ғ. Мироҷов, А. Муҳаммадхоҷаев, Ю. Нуралиев ва С. Сулаймонов соли 2005 ба нашр расидааст.
Академик Мусо Диноршоев дар ин ҷилд бо номи “Афрӯзандаи нури хирад ва афшонандаи тухми маърифат” муқаддима навиштаанд. Хонандаи огоҳ медонад, ки М. Диноршоев яке аз файласуфони соҳибмактаб ва синошиносӣ бузург буданд. Дар муқаддима эшон доир ба кору пайкори донишманди бузурги тоҷик Абӯалӣ ибни Сино маълумот дода, нақши эшонро дар илмҳои фалсафа, мантиқ, илоҳиёт, табииёт, риёзиёт ва тиб муайян намудаанд.
Дар китоб таълифоти зерини Ибни Сино: “Рисолаи саргузашт”, “Донишнома” - бахшҳои “Мантиқ”, “Илоҳиёт”, Табииёт, “Ишорот ва танбеҳот”, “Мабдаъ ва маод” ва рисолаи “Азҳавия” тарҷума, таҳия ва нашр шудаанд.
Муфассал ...