Таъсиси Институти фалсафа, сиёсатшиносӣ ва ҳуқуқи ба номи А.Баҳоваддинови  Академияи миллии илмҳои Тоҷикистон (ИФСҲ) бо раванди  таҳкими  истиқлоли кишварамон рост омад. Бинобар ин мавзуъҳои  таҳқиқотии он низ ба ин падида, алоқамандии ногусастанӣ дошта, ба масъалаҳои ташаккули миллати тоҷик, худшиносии миллӣ, фарҳангу ҳувияти миллӣ, таъмини заминаи ҳуқуқии раванди дигаргуниҳои ҷомеаро дар бар мегирад.

  Сохтори ИФСҲ аз рӯи самтҳои асосии таҳқиқот ва вазифаҳои Институт муайян ва такмил дода шуда, бо пешниҳоди директор аз ҷониби Шуъбаи илмҳои ҷамъиятшиносии Академияи миллии илмҳои Тоҷикистон тасдиқ мегардад.

  Воҳидҳои сохтори Институтро шуъбаҳои илмӣ-таҳқиқотӣ  ташкил медиҳанд. Дар  ИФСҲ  13 шуъба ва 1 марказ  амал мекунад:

1. Шуъбаи онтология, гносеология ва мантиқ
2. Шуъбаи таърихи фалсафа
3. Шуъбаи фалсафаи фарҳанг
4. Шуъбаи масъалаҳои фалсафии дини
5. Шуъбаи фалсафаи иҷтимоӣ
6. Шуъбаи сотсиология
7. Шуъбаи сиёсатшиносӣ
8. Шуъбаи масоили сиёсии муносибатҳои байналмилалӣ
9. Маркази синошиносӣ
10. Шуъбаи масоили назариявии давлат ва ҳуқуқи муосир
11. Шуъбаи таърихи давлат ва ҳуқуқ
12. Шуъбаи ҳуқуқи байналмилалӣ
13. Шуъбаи ҳуқуқи давлатӣ
14. Шуъбаи ҳуқуқи хусусӣ

   Дар айни замон   дар Институт корҳои илмӣ-таҳқиқотӣ аз рӯи 16 лоиҳа (15 лоиҳаи илмии буҷавӣ ва 1 лоиҳаи илмии грантӣ) идома доранд.

  Институт дар соҳаи густариши муносибатҳои байналмилалии илмӣ,табодули иттилоот ва кадрҳои илмӣ,аз ҷумла тайёр намудани мутахассисон ҷаҳду талош дошта  бо муассисаҳо ва марказҳои илмии ҷаҳон робита дорад ва барои рушди муносибатҳои мазкур ҳавасманд мебошад. Кормандони илмии Институт дар таҳияи барномаҳои таълимӣ, фарҳангӣ иштироки фаъолона дошта, дар муҳокимаи лоиҳаҳо, кодексҳо, қарорҳо ва қонунҳои гуногун пайваста ҳамкорӣ менамоянд. Инчунин кормандони илмии Институт бо макотиби олии кишвар тавассути фаъолияти омӯзгорӣ, тайёр кардани кадрҳо, таҳия кардани китобҳо ва дигар маводҳои илмӣ- методӣ ҳамкорӣ  доранд.

Дар ИФСҲ  АМИТ ҳамчунин Шурои диссертатсионии зерин фаъолият мекунанд: 

- Шӯрои диссертатсионии 73.1.006.01,  ки бо қарори   КОА Вазорати илм ва таҳсилоти олии Федератсияи Россия аз соли 2021,   барои дарёфти дараҷаи  доктори илмҳои фалсафа ва номзади илмҳои фалсафа аз рӯи ихтисосҳои  5.7.8- фалсафаи антропологӣ, фалсафаи фарҳанг ва 5.7.9-фалсафаи дин ва диншиносӣ  ташкил шудааст.Раиси Шӯрои диссертатсионии 73.1.006.01   узви вобастаи Академияи  милли илмҳои  Тоҷикистон, профессор, доктори илмҳои фалсафа Музаффарӣ Муҳаммадалӣ мебошанд 

-Шӯрои диссертатсионии Д 73.1.006.02, ки бо қарори   КОА Вазорати илм ва таҳсилоти олии Федератсияи Россия аз соли 2021,  барои дарёфти дараҷаи  доктори илмҳои фалсафа ва номзади илмҳои фалсафа аз рӯи ихтисосҳои 5.7.2-  таърихи фалсафа ва 5.7.7-  фалсафаи иҷтимоӣ ва сиёсӣ ташкил шудааст. Раиси Шӯрои диссертатсионии 73.1.006.02   муовини Директори Институти фалсафа,сиёсатшиносӣ ва ҳуқуқи ба номи А.Баҳоваддинови Академияи  милли илмҳои  Тоҷикистон, доктори илмҳои фалсафа Ҳайдаров Рустам Ҷурабоевич мебошанд. 

-Шӯрои диссертатсионии 6D.КОА-005, ки бо қарори   КОА назди Президенти Ҷумҳурии Тоҷикистон аз соли 2021,  барои дарёфти дараҷаи илмии доктори фалсафа (РhD) - доктор аз рӯйи ихтисоси 6D050100 - Сотсиология (6D05010З - Сотсиологияи иқтисодӣ ва демография; 6D050104 - Сохтори иҷтимой, ниҳодҳо ва равандҳои иҷтимоӣ ва 60050105 - Сотсиологияи сиёсӣ) ва барои дарёфти дараҷаи илмии номзади илмҳои сотсиологӣ ва доктори илмҳои сотсиологӣ аз рӯйи ихтисосҳои 22.00.03 - Сотсиологияи иқтисодӣ ва демография; 22.00.04 - Сохтори иҷтимоӣ, ниҳодҳо ва равандҳои иҷтимоӣ ва 22.00.05 - Сотсиологияи сиёсӣ ташкил шудааст. Раиси Шурои диссертатсионии 6D.КОА-005 узви вобастаи Академияи  милли илмҳои  Тоҷикистон, профессор,доктори илмҳои сотсиологӣ, мудири Шуъбаи сотсиологияи Институти фалсафа,сиёсатшиносӣ ва ҳуқуқи ба номи А.Баҳоваддинови Академияи  милли илмҳои  Тоҷикистон Шоисматуллоев Шоназар мебошанд 

  Институт дорои маҷаллаҳои илмии “Ахбори Институти фалсафа, сиёсатшиносӣ ва ҳуқуқи ба номи А.Баҳоваддинови АМИТ (ISSN 0235-005X)”, “Маҷаллаи академии ҳуқуқ (ISSN 2305-0535)” мебошад.