Навидҳо
Мактуби иттилоотӣ
Шуъбаи фалсафаи фарҳанги Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон рузи 24 майи соли 2024, аз соати 10:00 то 17:00 дар толори Президиуми Академияи миллии илмҳои Тоҷикистон мизи мудаввари ҷумҳуриявӣ бахшида ба 100-солагии Ҷумҳурии Тоҷикистон дар мавзуи «Мушкилоти фарҳанги муосири бадеии тоҷик» баргузор менамояд.
Дар мизи мудаввар масоили зерин баррасӣ мешавад:
*Усул ва методологияи таҳқиқи фарҳанги бадеӣ;
*Проблемаҳои фалсафӣ ва эстетикии ҳунарҳои зебои муосири миллӣ
*Истиқлолият ва тафаккури нав дар санъати тоҷик;
*Проблемаҳои театр, кино, телевизион, мусиқӣ, санъати тасвирӣ, рақс, меъморӣ ва ѓайра;
*Фарҳанги муосири бадеӣ ва сиёсати давлатии фарҳанг;
*Дин ва фарҳанги бадеии кишвар;
*Ҷомеашиносии фарҳанги бадеии муосири тоҷик;
*Иштироки занон ва ҷавонон дар рушди санъат;
*Вазъияти эҷодиёти шифоҳии халқ;
*Ҳамгироии фарҳанги бадеии миллӣ, минтақавӣ ва ҷаҳонӣ;
*Субкултура (фарҳанги хурд) дар Тоҷикистон;
*Анъана ва навовариҳо дар фарҳанги бадеии муосири кишвар;
*Мушкилоти ҳифзи мероси бадеӣ барои наслҳои оянда;
*Мушкилоти ташаккули шахсияти эҷодкор; фарҳанги «худӣ» ва «бегона»;
*Аз худ кардани мероси фарҳангии миллати дигар;
*Чаро зиёиёни тоҷик рисолати хешро иҷро намекунанд;
*Вазъияти фарҳанги бадеӣ дар вилояту ноҳияҳо ва дигар мавзуъҳои мубрам.
Талаботи пешниҳоди маърузаҳо дар шакли мақола
Матнҳои ирсолшуда бояд таҳриршуда ва ба талаботи техникии зерин ҷавобгӯ бошанд:
- саҳифаи андозааш А4, ҳошияҳо аз тарафи чап 3 см, аз чор тараф рост 1,5 см, боло ва поён 2 см;
- ҳуруфи шакли Times New Roman, Times New Roman Tj бо андозаи - 14 мм;
- сатри якум- насаб, ном ва номи падари муаллиф, дараҷаи илмӣ, унвони илмӣ, ҷойи кор;
- сатри дуюм - номи мақола БО ҲАРФИ КАЛОН бо баробари матн дар байни саҳифа;
- сатри сеюм- матни асосӣ, дар таҳриргари матнии MS Word ҳуруфчинӣ шавад, фосилаи байни сатрҳо 1,5 см;
- рӯйхати адабиёт дар охири матн баъд аз калимаи АДАБИЁТ оварда шуда, бо тартиби алифбо омода карда мешавад;
- ишора ба адабиёти истифодашуда дар матн ҳатмӣ буда, дар шакли [2,15] омода карда мешавад, дар ин ҷо рақами аввал рақами тартибии сарчашма дар рӯйхати адабиёт ва рақами дувум саҳифаи он мебошад;
- ҳаҷми матни мақола набояд аз 8 саҳифа бо иловаи расм, ҷадвал ва рӯйхати адабиёти истифодашуда зиёд бошад.
Дархост барои иштирок ва матни маъруза бояд то санаи 10 майи соли 2024 ба Кумитаи тадорукот супорида шавад.
Забонҳои кории чорабинӣ тоҷикӣ ва русӣ мебошанд.
Дар анҷоми мизи мудаввар баҳси умумӣ дар назар аст.
Суроға ва иртибот бо таъсисдиҳандагони мизи мудаввар: 734025, Ҷумҳурии Тоҷикистон, Душанбе, хиёбони Рӯдакӣ, 33, Институти фалсафа, сиёсатшиносӣ ва ҳуқуқи ба номи. А Баҳоваддинови АМИТ, Шуъбаи фалсафаи фарҳанг. Масъулон: Раҳимов Саъдулло Хайруллоевич: This email address is being protected from spambots. You need JavaScript enabled to view it., тел.: +992 934 599 163; Зиёева Зебонисо; This email address is being protected from spambots. You need JavaScript enabled to view it., +992902 00 00 26; Ҷангибекова Садаф Исломбековна: This email address is being protected from spambots. You need JavaScript enabled to view it., тел: +992 935141672.
Муфассал ...
Маърифати ҳуқуқӣ - омили тақвияти тартиботи ҳуқуқи ва қонуният
Бо мақсади иҷрои дастуру супоришҳое, ки аз Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ “Дар бораи самтҳои асосии сиёсати дохилӣ ва хориҷии кишвар” маълум аст, фармони Президенти Ҷумҳурии Тоҷикистон “”Дар бораи “Соли маърифати ҳуқуқӣ” эълон намудани соли 2024” аз 30. 12. 2023, № 668, ба имзо расид. Бо мақсади дар амал татбиқ намудани фармони зикршуда дар тамоми муассисаву корхонаҳои давлатӣ семинарҳо, мизи мудаввар ва конференсияҳо баргузор шуда истодааст.
Дар доираи ин 19 апрели соли равон бо ташаббуси Институти фалсафа, сиёсатшиносӣ ва ҳуқуқи ба номи Баҳоваддинови Академияи миллии илмҳои Тоҷикистон Конференсияи ҷумҳуриявии илмию назариявӣ бахшида ба соли Маърифати ҳуқуқӣ дар мавзуи “Маърифати ҳуқуқӣ – омили тақвияти тартиботи ҳуқуқӣ ва қонуният” баргузор гардид.
Нахуст ба кори Конференсия Президенти Академияи миллии илмҳои Тоҷикистон Хушвахтзода Қобилҷон Хушвахт ҳусни оғоз бахшида, зикр намуд, ки ҳамасола тамоми синфи коргар бесаброна баргузории Паёми Президенти маҳбубамон Эмомалӣ Раҳмонро интизор мешаванд, чун ки дар ҳар паёмашон Пешвои муаззами миллат оид ба пешравиҳову муваффақиятҳо суханронӣ намуда, барои оянда баланд бардоштани сатҳи зиндагии мардум ва фароҳам овардани шароити мусоид ба халқ ба масъулини соҳаҳо дастуру супоришҳо медиҳанд. Имсол низ баро баланд бардоштани сатҳи зиндагии мардум маоши тамоми соҳаҳоро баланд намуда, ҳамзамон барои дар фазои тинҷиву амонӣ ва дар иҳотаи адолат умр ба сар бурдани аҳолӣ соли 2024 – ро соли “Маърифати ҳуқуқӣ” эълон доштанд. Ин иқдом мову шумо аҳли илмро водор менамояд, ки барои дар амал тадбиқ намудани амру фармонҳое, ки аз ҷониби Президенти мамлакатамон пешниҳод мешавад, кӯшиш ба харҷ дода, миёни мардум баррасӣ намоем.
Дар идомаи Конференсия Академик Маҳмудзода М.А. , узви вобастаи АМИТ Раҳимзода М.З., Неъматов А.Р. муовини саркотиб илмии АМИТ, Абдуҷалилов А. Мудири шуъбаи ҳуқуқи хусусӣ, Зоир Ҷ.М. ва як қатор мудирони шуъбаҳову унвонҷӯёни АМИТ дар мавзуҳои мубрам оид ба баланд бардоштани маърифати ҳуқуқии шаҳрвандон ва риояи шафофияти қонун баромад намуда, иштирокдоронро аз муҳтавои асисии соли 2024 соли “Маърифати ҳуқуқӣ” номгузорӣ шуданро бохабар намуданд.
Муфассал ...
Чорабинии навбатӣ дар доираи Ҳафтаи илм дар Институти фалсафа, сиёсатшиносӣ ва ҳуқуқи ба номи А. Баҳоваддинов
Рӯзи 12 апрели соли 2024 дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон дар доираи Ҳафтаи илм, ки ба Рӯзи илми тоҷик бахшида шудааст, чорабинии навбатӣ - Конференсияи ҷумҳуриявии илмӣ-амалӣ дар мавзуи «Нақши илми ҳуқуқшиносӣ дар ташаккули маърифати ҳуқуқии шаҳрвандон» бахшида ба 35-солагии Конститутсияи Ҷумҳурии Тоҷикистон ва «Соли маърифати ҳуқуқӣ» баргузор гардид. Дар конференсия маърузаҳои зерин шунида ва муҳокима гардиданд: Буризода Э.Б. – д.и.ҳ., проф., “Таърих ва таълимоти ҳуқуқшиносӣ дар ташаккули маърифати ҳуқуқӣ”; Нематов А.Р. – д.и.ҳ., Рустамзода М.Р. –н.и.ҳ., “Нақши маърифати ҳуқуқӣ дар таъмини тартиботи ҳуқуқӣ”; Бобоҷонзода И.Ҳ. – д.и.ҳ., проф., “Масоили ташаккули маърифати ҳуқуқӣ дар илми ҳуқуқшиносӣ”; Қодирзода Т.Қ. – н.и.ҳ., “Роҳҳои баланд бардоштани маърифати ҳуқуқии шаҳрвандон дар ҳошияи Паёми Президенти Ҷумҳурии Тоҷикистон” ва ғ.
Муфассал ...
Идомаи Ҳафтаи илм дар Институти фалсафа, сиёсатшиносӣ ва ҳуқуқи ба номи А. Баҳоваддинов
Рӯзи 11 апрели соли 2024 дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон дар доираи Ҳафтаи илм, ки ба Рӯзи илми тоҷик бахшида шудааст, чорабинии чоруми илмӣ - мизи мудаввар дар мавзуи «Сиёсат, ҷомеа ва амният» баргузор гардид. Дар конференсия маърузаҳои зерин шунида ва муҳокима гардиданд: Муҳаммад А.Н. - д.и.с., профессор, сарходими илмии Шуъбаи масоили сиёсии муносибатҳои байналмилалии ИФСҲ АМИТ, «Технологияи сиёсӣ ва хусусиятҳои хоси он дар замони муосир»; Искандаров А.И., д.и.с., профессор, мудири Шуъбаи масоили сиёсии муносибатҳои байналмилалии ИФСҲ АМИТ, «Безопасность в Центральной Азии»; Муродов С.А., мудири шуъба, номзади илмҳои сиёсӣ, “Элементҳои асосии системаи таъмини амнияти миллӣ”; Сангинов Н.Н. - н.и.с., ходими калони илмии Шуъбаи масоили сиёсии муносибатҳои байналмилалии ИФСҲ АМИТ, "Гибридные войны" и их влияние на национальную безопасность Республики Таджикистан»; Мамадназарова А.Р., ходими илмии Шуъбаи масоили сиёсии муносибатҳои байналмилалии ИФСҲ АМИТ, «Интеграция государств Центральной Азии: возможности, трудности и перспективы» ва ғ.
Рӯзи 12 апрели соли 2024 баргузории Ҳафтаи илм дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон идома ёфта, Конференсияи ҷумҳуриявии илмӣ-амалӣ дар мавзуи «Нақши илми ҳуқуқшиносӣ дар ташаккули маърифати ҳуқуқии шаҳрвандон» бахшида ба 35 - солагии Конститутсияи Ҷумҳурии Тоҷикистон ва «Соли маърифати ҳуқуқӣ» ба нақша гирифта шудааст.
Муфассал ...
