Дар паҳно ё шикастапораҳои Ориёни Қадим Тоҷикистон айни замон ягона кишварест, ки ин тамаддуни бузургро ворисӣ менамояд. Эмомалӣ Раҳмон - Сарвари озоданажоду фарзонаамон, ки решаву насаб дар ин тамаддуни оламшумул дорад, эҳё ва башарӣ намудани афкору осору пайкори бургмардони илму фарҳангу сиёсати Ориёни Бузург - ро вазифаи муқаддаси хеш ва ҳар як фарди бедордили миллат медонад. Мавриди таъкид аст, ки Пешвои миллат аз рӯзҳои аввали ба сари қудрат омаданашон таҳкими худогоҳии миллату арҷгузории фарҳангу таърихи пурифтихорамонро аз ҳадафҳои афзалиятноки барномаи амали хеш қарор дода буданд.  Соли 2006 - ро “Соли бузургдошти тамаддуни ориёӣ” эълон намудани Пешвои хирадпешаву дурбинамон як далеле аз сад далел ва исботи бебаҳси нигоштаҳои болост. Маҳз ҳамон сол Тоҷикистон хонаи умеди ориёини ҷаҳон муаррифӣ гардид. Баргузории  Конфронсҳои илмӣ – назариявӣ бо иштироки муаррихону олимонни сиёсатшиноси ватанӣ дар Пойтахт ва саросари кишвар,  маҷлиси мутантан бахшида ба Ҷашни истиқлол ва Анҷумани 6-уми тоҷикон ва форсизабонони ҷаҳон, ҳамоиши баналмиллалӣ бо иштиорони донишмандони саршиноси ҷаҳон, интишори асарҳои пажуҳишии мондагори олимон, ташрифи ҳазорон меҳмонон самараи бебеҳои як иқдоми меҳанпарастонаи Сарвари давлат буд. Президенти мамлакат зимни паёми табрикияшон ба аҳли маҳфил аз ҷумла баён дошта буд: