Институт
- Ҷумъа, 04 Октябр 2024
Конференсияи ҷумҳуриявии илмӣ-амалиро дар мавзуи “Фалсафа ва нақши он дар рушди тафаккури иҷтимоии Тоҷикистон” (бахшида ба 100-солагии профессор Ғаффорова Мунзифа Қаҳҳоровна) баргузор гардид
04 октябри соли 2024 бо ташаббуси Институти фалсафа, сиёсатшиносӣ ва ҳуқуқи ба номи А.Баҳовиддинови Академияи миллии илмҳои Тоҷикистон дар якҷоягӣ бо кафедраи фалсафа ва фарҳанги Донишгоҳи давлатии омӯзгории Тоҷикистон ба номи Садриддин Айнӣ Конференсияи ҷумҳуриявии илмӣ-амалиро дар мавзуи “Фалсафа ва нақши он дар рушди тафаккури иҷтимоии Тоҷикистон” (бахшида ба 100-солагии профессор Ғаффорова Мунзифа Қаҳҳоровна) баргузор гардид.
Дар кори Конфронс ходимони илмӣ-сиёсӣ, коршиносони варзида, олимону донишмандон ва меҳмонон аз бахшҳои гуногуни фаъолияти илмӣ-амалии профессор Ғаффорова Мунзифа Қаҳҳоровна сухан ронда, зарурати таҳқиқоти бунёдии масоили фалсафии онро дар Тоҷикистон таъкид намуданд.
Мавзуи мавқеъ, нуфуз ва ташаккули симои маънавии занони Шарқ яке аз масоили асоситарини таҳқиқоти Мунзифа Қаҳҳоровна мебошад. Яке аз асарҳои ӯ низ бо номи “Симои маънавии занони Шарқи Советӣ”, ки соли 1969 тавассути нашриёти “Ирфон” дастраси хонандагони сершумор гардид, моҳияти ҷамъкунандаи афкору ақоиди ӯ, ки дар тули солҳо дар нисбати зан эҷод гардида буданд, ба шумор меравад.
Муфассал ...
- Ҷумъа, 04 Октябр 2024
Саҳми Пешвои миллат,мӯҳтарам Эмомалӣ Раҳмон дар таҳия ва қабули Конститутсияи Ҷумҳурии Тоҷикистон
Конститутсияи Ҷумҳурии Тоҷикистон ифодаи олии яке аз гаронбаҳотарин арзишҳои умумибашарӣ – озодии инсон мебошад. Президенти кишвар, муҳтарам Эмомалӣ Раҳмон дар баромади хеш таҳти унвони «Роҳи раҳоӣ аз буҳрони азими ҳамагонӣ» дар санаи 19 марти соли 1993 таъкид намуда буданд: «Набояд фаромӯш кард, ки озодии инсон нахустзаминаи ҷомеаи ҳуқуқбунёд аст. Маҳз озодии инсон шаклу мазмуни соҳибихтиёрии миллӣ ва давлатиро муайян мекунад ва давлатҳо ҳамон вақт пешқадам қаламдод мешаванд, ки ба озодии инсон мадад расонанд».
Ҳайати комиссия таҳти роҳбарии Президенти мамлакат, муҳтарам Эмомалӣ Раҳмон, бо дарназардошти манфиатҳои миллӣ ва ба эътидол овардани вазъи сиёсии кишвар барои ҳарчи зудтар таҳия намудани Конститутсия ва дар он ба инобат гирифтани арзишҳои пазируфтаи ҷомеаи ҷаҳонӣ, аз қабили муҳимтарин принсипҳои демократӣ ва кафолати таъмини амалишавии ҳуқуқу озодиҳои инсон ва шаҳрванд дар як муддати начандон тӯлони корҳои назаррасро анҷом доданд.
Муфассал ...
- Ҷумъа, 04 Октябр 2024
Танзими ҳуқуқии масъалаҳои забон дар қонунугзории Ҷумҳурии Тоҷикистон
Масъалаи забон яке аз масъалаҳои мубрам ва муҳими ҳаёти сиёсиву фарҳангии давлатҳо дар замони муосир ба ҳисоб меравад. Вобаста ба мафҳум ва аҳамияти забон дар адабиётҳо ақидаҳои гуногун мавҷуд мебошад.
Пешвои миллат, муҳтарам Эмомалӣ Раҳмон дар баромадҳояшон қайд менамоянд, ки «Забон неъмати бебаҳои зиндагии аҳли башар мебошад. Инсон фақат тавассути забон метавонад эҳсос ва фикру андешаҳои худро иброз намояд. Забони миллӣ оинаи пурҷилои таърих, ҷаҳони маънавӣ ва хираду маърифати ҳар як халқу миллат ба шумор меравад. Гузашта аз ин, дар фарҳангу тамаддуни халқу миллатҳо, аз ҷумла мо — тоҷикон забони модарӣ зербинои ҳувияти миллӣ ва омили аслии ҳифзи он мебошад» [16].
Муфассал ...