Маҷмуаи “Баррасиҳои мероси ниёкон”-и Аҳмад Ҳоҷизода, ходими пешбари илмии Маркази синошиносӣ рӯзҳои наздик ба нашр расид. Дар маҷмуа мақолаҳои дар солҳои охир навиштаи муаллиф гирдоварӣ шудаанд, ки дар онҳо ҷанбаҳои мухталифи осори донишмандони бузурги гузаштаи мо мавриди баррасӣ қарор гирифтааст. Дар маҷмуа бештар осори Абуалӣ ибни Сино, Закариёи Розӣ, Абурайҳони Берунӣ ва дигарон мавриди омӯзиш қарор гирифтаанд.

Аз нигоҳи сохтор, китоб ба ду қисм тақсим мешавад, дар қисмати аввал пажӯҳишҳои арзишманди Аҳмад Ҳоҷизода дар самти омӯзиши мероси ниёкон, гирдоварӣ шудааст. Дар қисмати дуюм, меҳрномаҳои ҳамкорон, дӯстон ва шогирдони Аҳмад Ҳоҷизода, ки ба хотири гиромидошти 80 солагии эшон навиштаанд, ҷой дода шудааст.

Маҷмуаи “Назаре перомуни андешаҳои фалсафӣ”-и Аскардаев Кишвар, ходими калони илмии Маркази синошиносӣ ба нашр расид. Дар маҷмуа андешаҳои ҷараёни фикрӣ-озодандешии фалсафаи “Асҳоби ҳаюло” мавриди таҳлили амиқ қарор гирифтааст. Асҳоби ҳаюло ҷараёни фалсафиес, ки пайравонаш ба асолати нахустмодда (ҳаюло) муътақиданд. Ин китоб метавонад барои рушди озодфикрӣ ва рушди фалсафаи тоҷик муосидат кунад ва барои оммаи хонандагон пешкаш мегардад.

Аз нигоҳи сохтор, китоб ба ду қисм тақсим мешавад, дар қисмати аввал пажӯҳишҳои арзишманди Аскардев Кишвар дар самти фалсафа, хоссатан фалсафаи ҳаюло гирдоварӣ шудааст. Дар қисмати дуюм, меҳрномаҳои ҳамкорон, дӯстон ва шогирдони Аскардаев Кишвар, ки ба хотири гиромидошти 75 солагии эшон навиштаанд, ҷой дода шудааст.