Директори Институти фалсафа,сиёсатшиносӣ ва ҳуқуқи ба номи А.Баҳоваддинови АМИТ Муъмин Назар дар ҳамкорӣ ва ҳаммуаллифӣ бо узви вобастаи АМИТ, профессор, доктори илмҳои фалсафа Нуриддин Саид ва доктори илмҳои фалсафа, профессор  Хуршед Зиёӣ  китоби дарсиро бо унвони “Муқаддимаи синергетика” нашр намуданд.

    Дар китоби мазкур бо такя ба китобҳои дарсӣ ва дастурҳои таълимии мавҷуда,инчунин таҳқиқоти илмии  муосир дар соҳаи синергетика ва фалсафа ба таври мухтасар маълумот дар бораи предмет ва вазифаҳои синергетика,принсипҳо  ва назарияи асосии синергетикӣ пешниҳод шудааст. Дар китоб хусусан,ба  равшан сохтани методологияи синергетикӣ дар илмҳои табиатшиносӣ,педагогика, фалсафа ва моҳияти синергетикии иҷтимоӣ таваҷҷӯи бештар зоҳир гардидааст. Таносуби синергетика ва мистика, дурнамои синергетика ҳамчун илм, инчунин дигар масъалаҳои методологӣ ва назариявию амалӣ  мавриди баррасӣ қарор гирифтанд. Китоби мазкур барои муҳаққиқони зинаи докторантура аз руи ихтисос, инчунин муҳаққиқони  соҳаи фалсафа, илмҳои табиатшиносӣ, риёзӣ, техникӣ, иҷтимоию гуманитарӣ ва алоқамандони маърифати илмӣ  пешбинӣ гардидааст