Дар Институти фалсафа, сиёсатшиносӣ ва ҳуқуқи ба номи А.Баҳоваддинови Академияи миллии илмҳои Тоҷикистон дар моҳи июли  соли 2021  монографияи дастаҷамъии Шуъбаи ҳуқуқи байналмилалии институт таҳти унвони “Таърихи ҳуқуқи  байналмилалӣ дар минтақаи Осиёи Марказӣ. Қисми 3”  ба нашр расид.

    Монография дар соҳаи таърихи ҳуқуқи байналмилалӣ дар минтақаи Осиёи Марказӣ аввалин  таҳқиқот буда, пайдоиш ва инкишофи институтҳо ва соҳаҳои асосии ҳуқуқи байналмилалиро дар асрҳои VI-XII ҳамаҷониба баррасӣ намудааст. Монография ба хусусиятҳои рушди байналмилалӣ-ҳуқуқӣ дар Мовароуннаҳр ва Хуросон, ташаккули институтҳои асосии ҳуқуқи байналмилалӣ дар минтақаи Осиёи Марказӣ – ҳуқуқи байналмилалии  шартномаҳо, ҳуқуқи сафорат, ҳуқуқи байналмилалии тиҷоратӣ, ҳуқуқи байналмилалии инсондӯстӣ ва рушди илми ҳуқуқи байналмилалӣ дар асарҳои ҳуқуқдонҳои машҳури асримиёнагӣ равшанӣ меандозад

    Монография барои олимон,муҳаққиқон, аспирантон ва донишҷӯёи ихтисоси ҳуқуқи байналмилалӣ тавсия карда шудааст.