Рӯзҳои 7-8 июн дар қароргоҳи ЮНЕСКО дар Париж Конфронси байналмилалии илмӣ-назариявӣ бахшида ба бузургдошти шоир ва мутафаккири машҳури тоҷик Мавлоно Ҷалолуддини Балхӣ (1207-1273) доир мегардад. Ба ин муносибат дар Институти фалсафа, сиёсатшиносӣ ва ҳуқуқи ба номи А.Баҳоваддинови АМИТ китоби армуғонӣ бо номи “Мавлоно Ҷалолуддини Балхӣ” бо забонҳои тоҷикӣ ва англисӣ нашр гардида, ба иштирокчиёни Конфронси мазкур тақдим мегардад.
Дар китоб маълумоти мухтасар оид ба ҳаёт ва осори Мавлоно, зодгоҳ ва мансубияти этникии ӯ дода шуда, намунаи ашъори дилангези шоир бо забонҳои тоҷикию англисӣ оварда шудааст.
