Дар моҳи   майи   соли 2022  дар  Институти фалсафа, сиёсатшиносӣ ва ҳуқуқи ба номи А.Баҳоваддинови Академияи   миллии илмҳои Тоҷикистон    китоби ходими пешбари  илмии Шуъбаи таърихи фалсафаи институт, номзади илмҳои  фалсафа  Мирзошоҳрух Асрорӣ таҳти унвони   “Масъалаҳои сиёсӣ-иҷтимоии ҳифзи Истиқлол ва таҳкими ваҳдати миллӣ дар Тоҷикистон”  ба нашр расид.

    Дар  монографияи мазкур  мақолаҳои илмии М.Асрорӣ вобаста ба масъалаҳои рузмарраи таъмини ҳифзи Истиқлол  ва таҳкими ваҳдати миллӣ гирд  оварда шудааст.   Дар пажӯҳиши  худ  муаллиф нақши Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон дар таъмини сулҳу ваҳдати миллӣ, аҳамияти таҷрибаи нодири сулҳи тоҷикон  барои минтақа ва ҷомеаи байналмилалӣ, расидан ба ҳадафҳои стратегӣ, бунёди НБО-и Роғун    таҳти таҳлили амиқи илмӣ  қарор додааст.

    Асари мазкур барои мутахассисони илмҳои фалсафа,сиёсатшиносӣ, ҷомеашиносӣ  ва доираи васеъи хонандагон  пешниҳод мегардад.