Институти фалсафа,сиёсатшиносӣ ва ҳуқуқи ба номи А.Баҳоваддинови Академияи милии илмҳои Тоҷикистон  моҳи октябри 2020 ҷилди чоруми “Таърихи фалсафаи тоҷик”(фалсафаи ирфон) дар  2 қисм  нашр  намуд. Ин китоб   таълимоти ахлоқӣ-ирфонӣ, ташаккулу такомул ҷараёни тасаввуф, андешаҳои намояндагони мактабҳои ирфонию фалсафии асримиёнагии  халқи тоҷикро фаро мегирад.

     Табъу нашри таърихи панҷҷилдаи афкори асотирӣ, динӣ,фалсафӣ ва иҷтимоӣ-ахлоқии халқи тоҷик аз қадим то ибтидои асри ХХ аввалин кӯшиши таҳлилу баррасии нисбатан  мукаммали мероси фарҳангии ниёгони мост. Таҳқиқоти мазкур барои файласуфон ,муаррихон, диншиносон,фарҳангшиносон ва доираи васеъи хонандагон пешниҳод шудааст.