Дар рисолаи номбурда манбаҳои таърихию назарявии гӯштини тоҷикии “гӯштингирӣ”, мафҳум, навъ ва вижагиҳои он, инчунин таърихи ташаккули гӯштин дар илму фарҳанги тоҷик таҳлилу баррасӣ гардида, дар заминаи ин таҳлилҳо моҳияти таърихию мақому манзалати ин намуди варзиши тоҷикӣ арзёбӣ гардидааст. Ҳамзамон, дар рисола баъзе андешаҳои донишмандони бузурги тоҷик Абӯали ибни Сино ва Паҳлавон Маҳмуди Хоразмӣ нисбат ба пешаи паҳлавонӣ ва дигар паҳлуҳои таърихию фарҳангии он баррасӣ гардидааст.